Wednesday, November 9, 2011

ਅੰਧਵਿਸ਼ਵਾਸ ਦੀ ਐਨਕ ਪਾ ਕੇ ਅਜ਼ਾਦੀ ਦੀ ਸਵੇਰ ਵੇਖਣ ਵਾਲਾ ਦੇਸ਼ ਕੀ ਕਦੀ ਵਿਗਿਆਨਕ ਯੁੱਗ ‘ਚ ਪਹੁੰਚਣ ਦੇ ਕਾਬਿਲ ਹੋ ਸਕੇਗਾ ?

- ਜਗਤਾਰ ਸਿੰਘ (ਨਵੀਂ ਦਿੱਲੀ)

ਭਾਰਤ ਦੀਆਂ ਹਕੂਮਤਾਂ,ਦੇਸ਼ ਨੂੰ ਵਿਗਿਆਨਕ ਯੁੱਗ ਵਿੱਚ ਲਿਜਾਉਂਣ ਦੇ ਜਿਤਨੇ ਮਰਜ਼ੀ ਦਾਅਵੇ ਕਰੀ ਜਾਣ,ਪਰੰਤੂ ਅੰਧਵਿਸ਼ਵਾਸ ਨੂੰ ਫੈਲਾਉਂਣ ਵਾਲਿਆਂ ਦੇ ਅਗਿਆਨਤਾ ਭਰੇ ਪ੍ਰਚਾਰ ਦੇ ਪ੍ਰਭਾਵ ਕਾਰਣ,ਦੇਸ਼ ਦੀ ਭੋਲੀ-ਭਾਲੀ ਜਨਤਾ ਵਹਿਮਾਂ-ਭਰਮਾਂ ਦੇ ਮੱਕੜਜਾਲ ਵਿੱਚ ਬੁੱਰੀ ਤਰ੍ਹਾਂ ਫਸਦੀ ਜਾ ਰਹੀ ਹੈ ।ਇਸੇ ਕਾਰਣ ਦੇਸ਼ ਸਹੀ ਮਾਇਨਿਆਂ’ਚ ਉਸ ਵੇਲੇ ਤਕ ਵਿਗਿਆਨਕ ਯੁੱਗ ਵਿੱਚ ਪੁੱਜਣ ਦੇ ਕਾਬਲ ਨਹੀ ਹੋ ਸਕੇਗਾ ਜਦ ਤੀਕਰ ਦੂਜਿਆਂ ਦੀ ਕਮਾਈ ਉਤੇ ਪਲਣ ਵਾਲੇ ‘‘ਵਿਹਲੜ ਅਤੇ ਲੋਟੂ-ਟੋਲੇ”ਦੇ ਗੁਮਰਾਹਕੁੰਨ ਪ੍ਰਚਾਰ ਤੋਂ,ਦੇਸ਼ ਦੀ ਭੋਲੀ-ਭਾਲੀ ਜਨਤਾ ਨੂੰ ਹਰ ਪੱਖੋਂ ਸੁਚੇਤ ਕਰਣ ਦਾ ਯੋਗ ਪ੍ਰਬੰਧ ਨਹੀ ਕਰ ਲਇਆ ਜਾਂਦਾ।

ਬੀਤੇ ਕੁੱਝ ਸਮਾਂ ਪਹਿਲਾਂ ਸਮੁੱਚੇ ਸੰਸਾਰ’ਚ ਵਾਪਰੀ ਇਕ ਖਗੋਲੀ ਘਟਨਾ “ਸੂਰਜ ਗ੍ਰਹਿਣ” ਜਿਸ ਸਬੰਧੀਂ ਇੱਥੋਂ ਦੀ ਜੋਤਸ਼ੀ-ਬਿਰਾਦਰੀ ਵੱਲੋਂ,ਸਿਆਸੀ ਆਗੂਆਂ,ਵਪਾਰੀਆਂ ਨੌਕਰੀਪੇਸ਼ਾ ਤੇ ਵੱਖ-ਵੱਖ ਕਿੱਤਿਆਂ ਨਾਲ ਸਬੰਧ ਰੱਖਣ ਵਾਲਿਆਂ ਸਮੇਤ ਸਾਰੇ ਹੀ ਮਨੁੱਖਾਂ ’ਤੇ ‘‘ਸੂਰਜ ਗ੍ਰਹਿਣ” ਤੋਂ ਪੈਣ ਵਾਲੇ ਮਾੜੇ ਪ੍ਰਭਾਵਾਂ ਸਬੰਧੀਂ ਗੁਮਰਾਹਕੁੰਨ ਪ੍ਰਚਾਰ ਕਰਕੇ ਲੋਕਾਂ ਦੇ ਮਨਾ’ਚ ਅਜਿਹਾ ਡਰ ਤੇ ਸਹਿਮ ਦਾ ਮਾਹੌਲ ਪੈਦਾ ਕਰ ਦਿੱਤਾ ਗਿਆ,ਜਿਸ ਤੋਂ ਘਬਰਾ ਕੇ ਭੋਲੇ-ਭਾਲੇ ਲੋਕ, ਨਾ ਚਾਹੁੰਦੇ ਹੋਏ ਵੀ ਆਪਣੀ ਖੂਨ-ਪਸੀਨੇ ਦੀ ਕਮਾਈ ਇਨ੍ਹਾਂ ਬ੍ਰਾਹਮਣਵਾਦੀ ਸੋਚ ਵਾਲੇ ਵਿਹਲੜ ਤੇ ਲੋਟੂ-ਟੋਲੇ ਨੂੰ ,ਦਾਨ-ਦਕਸ਼ਣਾਂ ਦੇ ਰੂਪ’ਚ ਭੇਟ ਕਰਨ ਲਈ ਮਜਬੂਰ ਹੋ ਗਏ, ਕਿਉਂਕਿ ਅੰਧਵਿਸ਼ਵਾਸ ਦੀ ਜ਼ੰਜੀਰਾਂ ’ਚ ਜਕੜੇ ਲੋਕ ਤਾਂ ਗ੍ਰਹਿਣ ਦੇ ਨਾਮ ਤੋਂ ਹੀ ਕਾਫੀ ਖੌਫ ਖਾਂਦੇ ਹਨ, ਜਦਕਿ ਇਹ ਤਾਂ ਫਿਰ ਜੋਤਸ਼ੀਆਂ ਦੁਆਰਾ ਪ੍ਰਚਾਰਿਆ ਗਿਆ ‘‘ਘਾਤਕ ਸੂਰਜ ਗ੍ਰਹਿਣ” ਸੀ ।

ਇਸੇ ਦੌਰਾਨ ਹੀ ਰਾਜ਼ਧਾਨੀ ਦੀ ਇਕ ਹਿੰਦੀ ਦੈਨਿਕ ਵਿੱਚ ,ਜ਼ੋਤਸ਼ੀ ਬਿਰਾਦਰੀ ਨਾਲ ਸਬੰਧਿਤ ਅਚਾਰਿਆ ਰਾਜੀਵ ਸ਼ਰਮਾ ਵਲੋਂ ਕਥਿਤ ਤੌਰ’ਤੇ ਦਾਅਵਾ ਕੀਤਾ ਗਿਆ ਕਿ, ਗ੍ਰਹਿਣ ਦਾ ਪ੍ਰਭਾਵ ਧਰਤੀ ,ਸਾਰੇ ਜੀਵ-ਜੰਤੂਆਂ, ਬਨਾਸਪਤੀ ਤੇ ਜਮੀਨ ਦੇ ਹੇਠਾਂ ਵੀ 100 ਫੀਸਦੀ ਪੈਂਦਾ ਹੈ ਅਤੇ ਹਜ਼ਾਰਾ ਸਾਲਾ ਬਾਦ ਆਇਆ ਇਹ ਸੂਰਜ ਗ੍ਰਹਿਣ ਬਹੁਤ ਹੀ ਘਾਤਕ ਹੋਣ ਕਰਕੇ ਇਸਦੇ ਪ੍ਰਭਾਵ ਵੀ ਬੜੇ ਘਾਤਕ ਹੀ ਹੋਣਗੇਂ।ਸੂਰਜ ਗ੍ਰਹਿਣ ਤੋਂ ਹੋਣ ਵਾਲੇ ਮਾੜੇ ਪ੍ਰਭਾਵਾਂ ਦਾ ਡਰ ਭੋਲੇ-ਭਾਲੇ ਲੋਕਾਂ ਦੇ ਮਨਾ ਦੇ ਵਿੱਚ ਚੰਗੀ ਤਰ੍ਹਾ ਬਿਠਾਉਂਣ ਉਪਰੰਤ ,ਉਕਤ ਜੋਤਸ਼ੀ ਬਿਰਾਦਰੀ ਨੇ ਆਪਣੇ ਅਸਲੀ ਮੰਤਵ ਨੂੰ ਪੂਰਾ ਕਰਣ ਲਈ, ਮਿੱਥੀ ਯੋਜਨਾ ਅਨੁਸਾਰ ਇਹ ਐਲਾਨ ਵੀ ਕਰ ਦਿੱਤਾ ਕਿ,ਇਸ ਘਾਤਕ ਸੂਰਜ ਗ੍ਰਹਿਣ ਤੋਂ ਡਰਣ ਦੀ ਲੋੜ ਨਹੀ ਕਿਉਕਿ ਇਸਦਾ ਦੂਜਾ ਪਹਿਲੂ ਇਹ ਵੀ ਹੈ ਕਿ, ਇਸ ਮੌਕੇ ਬ੍ਰਾਹਮਣਾਂ ਤੇ ਪੰਡਤਾਂ ਨੂੰ ਦਿੱਤਾ ਗਿਆ ਦਾਨ ,ਸਬੰਧਿਤ ਵਿਅਕਤੀ ਤੇ ਉਸਦੇ ਪਰਿਵਾਰ ਵਾਲਿਆਂ ਨੂੰ ਜਨਮਾ-ਜਨਮਾਤਰਾਂ ਦਾ ਫਲ ਦੇਣ ਤੋਂ ਇਲਾਵਾ ਭਵਿੱਖ ਦੇ ਸਾਰੇ ਹੀ ਦੁੱਖ-ਕਸ਼ਟ ਵੀ ਮੁਕਾ ਦੇਵੇਗਾ । ਜੋਤਸ਼ੀ ਬਿਰਾਦਰੀ ਵੱਲੋਂ, ਗ੍ਰਹਿਣ ਤੋਂ ਪੈਂਣ ਵਾਲੇ ਮਾੜੇ ਪ੍ਰਭਾਵਾਂ ਦਾ ਡਰਾਵਾ ਦੇਕੇ,ਜਿਆਦਾ ਤੋਂ ਜਿਆਦਾ ਦਾਨ-ਪੁੰਨ ਕਰਣ ਲਈ,ਭੋਲ-ਭਾਲੇ ਲੋਕਾਂ ਨੂੰ ਤਾਂ ਕਾਫੀ ਉਕਸਾਇਆ ਗਿਆ,ਪਰ ਇਸ ਘਾਤਕ ਸੂਰਜ ਗ੍ਰਹਿਣ ਦੇ ‘‘ਜੋਤਸ਼ੀ ਬਿਰਾਦਰੀ” ਉਤੇ ਕਿਹੋ ਜਿਹੇ ਮਾੜੇ ਪ੍ਰਭਾਵ ਪੈਣਗੇ ? ਇਸ ਬਾਰੇ ਬਿਲਕੁਲ ਹੀ ਚੁੱਪੀ ਵੱਟ ਲਈ ਗਈ,ਜਿਵੇ ਕਿ ਇਹ ਬਿਰਾਦਰੀ ਦੂਜੇ ਗ੍ਰਹਿ ਦੀ ਵਾਸੀ(ਏਲੀਅਨ) ਹੋਵੇ।

ਅੰਧਵਿਸ਼ਵਾਸ ਤੋਂ ਲੋਕਾਂ ਦਾ ਖਹਿੜਾਂ ਛਡਵਾਉਣ ਲਈ,ਲੇਖਕਾਂ,ਵਿਦਵਾਨਾ ਤੇ ਤਰਕਸ਼ੀਲਾਂ ਸਮੇਤ ਹੋਰਨਾ ਜਾਗਰੂਕ ਸੁਸਾਇਟੀਆਂ ਵੱਲੋਂ ਪਿਛਲੇ ਕਾਫੀ ਸਮੇਂ ਤੋਂ ਨਿਜ਼ੀ ਪੱਧਰ ’ਤੇ ਕੀਤੇ ਜਾਂਦੇ ਉਪਰਾਲਿਆਂ ਰਾਹੀਂ ਅਹਿਮ ਯੋਗਦਾਨ ਪਾਇਆ ਜਾ ਰਿਹਾ ਹੈ,ਪਰ ਜਿਸ ਮੁੱਲਕ ਨੇ ਅਜ਼ਾਦੀ ਦੀ ਪਹਿਲੀ ਸਵੇਰ ਹੀ ਅੰਧਵਿਸ਼ਵਾਸ ਦੀ ਐਨਕ ਪਾ ਕੇ ਵੇਖੀ ਹੋਵੇ,(ਪਾਕਿਸਤਾਨ ਦੇ ਨਾਲ ਹੀ ਭਾਰਤ ਵੀ 14 ਅਗਸੱਤ ਨੂੰ ਅਜਾਦ ਹੋ ਗਿਆ ਸੀ ਪਰ ਜੋਤਸੀਆਂ ਮੁਤਾਬਿਕ ਮਹੁਰਤ ਚੰਗਾਂ ਨ ਹੋਣ ਕਰਕੇ ਅਜਾਦੀ ਦਿਹਾੜੇ ਨੂੰ 15 ਅਗਸੱਤ ਤਕ ਟਾਲ ਦਿੱਤਾ ਗਿਆ)ਅਤੇ ਮੌਜੂਦਾ ਸਮੇਂ ਵੀ ਅੰਧਵਿਸ਼ਵਾਸ ਨੁੰ ਪ੍ਰਚਾਰਣ ਵਾਲਾ ਉਹੀ ਲੋਟੁ-ਟੋਲਾ ਆਪਣੇ ਨੈਟਵਰਕ ਰਾਹੀਂ ,ਅਸਿੱਧੇ ਤਰੀਕੇ ਨਾਲ ਪ੍ਰਸ਼ਾਸਨ ’ਚ ਘੁਸਪੈਠ ਕਰਕੇ ਆਪਣੀਆ ਕਾਰਵਾਈਆਂ ਨੂੰ ਸਫਲਤਾ ਪੂਰਵਕ ਅੰਜ਼ਾਮ ਦੇ ਰਿਹਾ ਹੋਵੇ ,ਉਹ ਦੇਸ਼ ਵਿਗਿਆਨਕ ਯੁੱਗ ’ਚ ਤਾਂ ਨਹੀ ਪਰ ਪੱਥਰ ਯੁੱਗ ਵਲ ਜਰੂਰ ਪਰਤ ਜਾਵੇਗਾ।

ਲੋਕਾਂ ਨੂੰ ਅੰਧਵਿਸ਼ਵਾਸ ਦੇ ਜਾਲ’ਚ ਫਸਾਈ ਰੱਖਣ ਲਈ ਇਹ ਲੋਟੂ ਬਿਰਾਦਰੀ ਹਮੇਸ਼ਾ ਕੋਈ ਨਾ ਕੋਈ ਸ਼ੋਸ਼ਾ ਛੱਡਦੀ ਹੀ ਰਹਿੰਦੀ ਹੈ,ਕਦੀ ਅਮਰੀਕੀ ਰਾਸ਼ਟਰਪਤੀ ਬਰਾਕ ਉਬਾਮਾ ਨੂੰ ਹਨੂੰਮਾਨ ਦਾ ਵੱਡਾ ਭਗਤ ਐਲਾਨ ਦਿੱਤਾ ਜਾਦਾਂ ਹੈ,ਕਦੀ ਸੁਨੀਤਾ ਵਿਲਿਅਯਮ ਨੂੰ ‘‘ਗਣੇਸ਼ ਦੀ ਭਗਤਣੀ”(ਅਖੇ ! ਉਹ ਗਣੇਸ਼ ਦੀ ਮੂਰਤੀ ਸਪੇਸ ਵਿੱਚ ਨਾਲ ਲੈਕੇ ਗਈ ਸੀ ) ਸਾਬਤ ਕਰਨ ਦੀ ਕੋਸ਼ਸ਼ ਕੀਤੀ ਜਾਂਦੀ ਹੈ।ਇਨ੍ਹਾਂ ਦਾ ਨੈਟਵਰਕ ਇਤਨਾ ਮਜਬੂਤ ਹੈ ਕਿ ਇਨ੍ਹਾਂ ਦੇ ਆਖੇ ਲਗ ਕੇ ਹੀ ਦੇਸ਼ ਦੀ ਭੋਲੀ-ਭਾਲੀ ਜਨਤਾ, ਗਣੇਸ਼ ਦੀ ਮੂਰਤੀ ਨੂੰ ਦੁੱਧ ਪਿਲਾਉਂਣ ’ਚ ਰੁੱਝ ਜਾਂਦੀ ਹੈ।

ਤਕਰੀਬਨ 57 ਵਰ੍ਹੇ ਪਹਿਲਾਂ, ਬਾਹਰਲੇ ਮੁਲਕਾਂ ਦੇ ਵਿਗਿਆਨੀਆਂ ਵਲੋਂ ਇਕ ਨਵਾਂ ਗ੍ਰਹਿ ਲਭਣ ਦੀ ਸੰਭਾਵਨਾ ਜਤਾਉਂਣ ਅਤੇ ਉਸ ਗ੍ਰਹਿ ਦਾ ਆਰਜੀ ਤੌਰ ’ਤੇ ਕੋਈ ਨਾਮ (ਸ਼ਾਇਦ ਯੂ.ਬੀ.313) ਵੀ ਰੱਖ ਲੈਣ ਸਬੰਧੀਂ ਖਬਰਾਂ ਜਦੋਂ ਅਖਬਾਰਾਂ ’ਚ ਛਪੀਆਂ ,ਤਾਂ ਇੱਥੋਂ ਦੇ ਲੋਟੂ ਟੋਲੇ ਦੀ ਕਮਾਨ ਸੰਭਾਲਣ ਵਾਲਿਆਂ ਨੇ,ਉਕਤ ਵਿਗਿਆਨੀਆਂ ਦੀ ਖੋਜ ਨੂੰ ,ਇਹ ਆਖ ਕੇ ਉੱਕਾ ਹੀ ਰੱਦ ਕਰ ਦਿੱਤਾ ਕਿ ,ਸ਼ਾਸਤਰਾਂ ਅਨੁਸਾਰ ਸ੍ਰਿਸ਼ਟੀ ਦੀ ਹਰੇਕ ਗਿਣਤੀ ਨੌਆਂ (9) ਗ੍ਰਹਿਆਂ ਦੇ ਆਧਾਰ ’ਤੇ ਹੀ ਹੋ ਸਕਦੀ ਹੈ ਇਸ ਲਈ ਕਿਸੇ ਨਵੇਂ ਗ੍ਰਹਿ ਦੀ ਹੋਂਦ ਦਾ ਸਵਾਲ ਹੀ ਪੈਦਾ ਨਹੀ ਹੁੰਦਾਂ,ਪਰ ਜਦੋਂ ਕੁੱਝ ਸਮੇ ਬਾਦ ਉਕਤ ਵਿਗਿਆਨੀਆਂ ਦੀ ਖੋਜ ਲਗਭਗ ਸਹੀ ਸਾਬਤ ਹੁੰਦੀਂ ਨਜਰ ਆਈ ਤਾਂ ਉਸੀ ਵਿਹਲੜ ਤੇ ਲੋਟੂ ਜਮਾਤ ਨੇ ਹੈਰਾਨੀ ਜਨਕ ਤਰੀਕੇ ਨਾਲ ਪਲਟੀ ਮਾਰਦਿਆਂ ,ਅਖਬਾਰਾਂ ਰਾਹੀਂ ਇਕ ਅਜੀਬੋਗਰੀਬ ਤੇ ਹਾਸੋਹੀਣਾਂ ਦਾਅਵਾ ਕਰ ਦਿੱਤਾ ਕਿ ਸ਼ਾਸਤਰਾ ਅਨੁਸਾਰ ਗ੍ਰਹਿਆਂ ਦੀ ਗਿਣਤੀ ਹੋਰ ਵੀ ਜਿਆਦਾ ਹੈ ਇਹ ਇਕ ਨਵਾਂ ਲਭ ਪਿਆ ਹੈ ਤੇ ਹਾਲੇ ਹੋਰ ਵੀ ਲਭਣਗੇਂ।(ਉਨ੍ਹਾਂ ਨੂੰ ਆਸ ਸੀ ਕਿ ਜੇਕਰ ਛੇਤੀ ਹੀ ਇਕ ਹੋਰ ਗ੍ਰਹਿ ਦੀ ਖੋਜ ਵਿਗਿਆਨੀਆਂ ਨੇ ਕਰ ਲਈ ਤਾਂ ਸਮੁੱਚੇ ਸੰਸਾਰ’ਚ ਜੋਤਿਸ਼ ਬਿਰਾਦਰੀ ਦੀ ਬੱਲੇ-ਬੱਲੇ ਹੋ ਜਾਵੇਗੀ )

ਦੇਸ਼ ’ਚ ਹੋਈਆਂ ਪਿਛਲੀਆਂ ਲੋਕਸਭਾ ਚੋਣਾਂ ਤੋਂ ਪਹਿਲਾਂ ਦੇਸ਼ ਦੀ ਜੋਤਿਸ਼ ਬਿਰਾਦਰੀ ਵਲੋਂ ਜੋਤਸ਼ ਅੰਕੜਿਆਂ ਦੇ ਆਧਾਰ ’ਤੇ ਇਸ ਕਥਿਤ ਦਾਅਵੇ ਦਾ ਜ਼ੋਰ-ਸ਼ੋਰ ਨਾਲ ਪ੍ਰਚਾਰ ਕੀਤਾ ਗਿਆ ਸੀ ਕਿ ਡਾ. ਮਨਮੋਹਨ ਸਿੰਘ ਦੀ ਕੁੰਡਲੀ ਵਿੱਚ ਦੂਜੀ ਵਾਰ ਪ੍ਰਧਾਨਮੰਤਰੀ ਬਨਣ ਦਾ ਕੋਈ ਯੋਗ ਨਹੀ ਹੈ। ਪਰ ਜਿਸ ਸ਼ਾਨ ਨਾਲ ਉਹ ਦੂਜੀ ਵਾਰ ਪ੍ਰਧਾਨਮੰਤਰੀ ਦੇ ਅਹੁਦੇ ’ਤੇ ਬਿਰਾਜਮਾਨ ਹੋਏ ਉਸਨੇ ਜੋਤਿਸ਼ ਬਿਰਾਦਰੀ ਵਲੋਂ ਕੀਤੇ ਜਾ ਰਹੇ ਦਾਅਵੇ ਦੀਆ ਮੁਕਮੰਲ ਤੌਰ ’ਤੇ ਧਜ਼ੀਆਂ ਉਡਾ ਕੇ ਰੱਖ ਦਿੱਤੀਆਂ।ਸਭ ਤੋਂ ਵੱਧ ਹੈਰਾਨੀ ਇਸ ਗੱਲ ਦੀ ਹੈ ਕਿ ,ਉੱਚ ਪੱਧਰੀ ਸਿੱਖਿਆ ਪ੍ਰਾਪਤ ਕਰ ਚੁੱਕੇ ਲੋਕ ਵੀ ਬਿਨਾ ਚੂੰ-ਚਾਂ ਕੀਤੇ ਇਨ੍ਹਾਂ ਜੋਤਸ਼ੀਆਂ ਅੱਗੇ ਸਿਰ ਝੁਕਾ ਦਿੰਦੇ ਹਨ ਅਤੇ ਇਹੀ ਹਾਲ ਨਵੀਂ ਸਦੀ ਦੇ ਧਰਮ ਦੇ ਪੈਰੋਕਾਰਾਂ (ਸਿੱਖਾਂ) ਦਾ ਵੀ ਹੋ ਗਿਆ ਹੈ,ਇੱਥੋਂ ਤਕ ਕਿ ਜਿਸ ਤਰ੍ਹਾਂ ਵੱਡੇ ਘਰਾਨਿਆਂ ਨੇ ਸ਼ਰੀਰਕ ਬੀਮਾਰੀਆਂ ਦੇ ਇਲਾਜ ਲਈ ਇਕ ‘‘ਫੈਮਲੀ ਡਾਕਟਰ” ਚੁਣਿਆ ਹੁੰਦਾ ਹੈ,ਉਸੇ ਤਰ੍ਹਾਂ ਹੀ ਪੜੇ-ਲਿਖੇ ਤੇ ਅੰਮ੍ਰਿਤਧਾਰੀ ਸਿੱਖਾਂ ਦੇ ਜਿਆਦਾਤਰ ਘਰਾਂ ’ਚ ਵੀ ,ਉਪਰੀ ਹਵਾ,ਭੂਤ-ਪ੍ਰੇਤ ਤੇ ਜਾਦੂ ਟੁਣੇ ਆਦਿਕ ਤੋਂ ਬਚਣ ਦੀਆਂ ਸਲਾਹਾਂ ਦੇਣ ਵਾਲਾ ਇਕ ‘‘ਫੈਮਲੀ ਜੋਤਸ਼ੀ” ਲਭ ਪਵੇਗਾ।ਬੀਤੇ ਸਮੇਂ ਹੀ ਇਕ ਅੰਮ੍ਰਿਤਧਾਰੀ ਪਰਿਵਾਰ ਦੇ ਘਰ ਮ੍ਰਿਤਕ ਪ੍ਰਾਣੀ ਦੇ ਅੰਤਮ ਸੰਸਕਾਰ ਨੂੰ ਸਿਰਫ ਇਸ ਲਈ ਟਾਲਿਆ ਜਾ ਰਿਹਾ ਸੀ ਕਿਉਕਿ ਫੈਮਲੀ ਮੈਂਬਰ ਦੇ ਇਕ ਨਜ਼ਦੀਕੀ ਵਲੋਂ ,ਕਈ ਕਿਲੋਮੀਟਰ ਦੂਰੋ ਹੀ ਕਥਿਤ ਤੌਰ ’ਤੇ ਦਾਅਵਾ ਕੀਤਾ ਜਾ ਰਿਹਾ ਸੀ ਕਿ ਉਸ ਵਲੋਂ ਪੜ੍ਹੇ ਜਾ ਰਹੇ ਮੰਤਰਾਂ ਦੇ ਪ੍ਰਭਾਵ ਨਾਲ ,ਮ੍ਰਿਤਕ ਪ੍ਰਾਣੀ ਉਠ ਕੇ ਬਹਿ ਜਾਵੇਗਾ ,ਜੇਕਰ ਉਸ ਫੈਮਲੀ ਦਾ ਇਹ ਹਾਲ ਹੈ ਜਿਸਦੇ ਸਾਰੇ ਮੈਂਬਰ ਹੀ ਕਈ ਵਰ੍ਹਿਆਂ ਤੋਂ ਅੰਮ੍ਰਿਤਧਾਰੀ ਹੋਣ ਤਾਂ ਬਗੈਰ ਅੰਮ੍ਰਿਤਧਾਰੀਆਂ ਦਾ ਕੀ ਹਾਲ ਹੋਵੇਗਾ।ਇਸਦਾ ਇਹ ਮਤਲਬ ਵੀ ਨਹੀ ਕਿ ,ਸਾਰੇ ਅੰਮ੍ਰਿਤਧਾਰੀ ਹੀ ਅਜਿਹੇ ਹਨ,ਬਲਕਿ ਜਿਹੜੇ ਗੁਰੂ ਸਿਧਾਂਤਾਂ ’ਤੇ ਸਖਤੀ ਨਾਲ ਪਹਿਰਾਂ ਦਿੰਦੇ ਹੋਏ ,ਵਹਿਮਾਂ-ਭਰਮਾਂ ਤੋਂ ਬਿਲਕੁਲ ਹੀ ਮੁਕਤ ਹਨ ,ਉਨ੍ਹਾਂ ਗੁਰੂ ਸਾਹਿਬ ਦੀ ਵਿਸ਼ੇਸ਼ ਕ੍ਰਿਪਾ ਦੇ ਹਕਦਾਰ ਹਨ ਅਤੇ ਉਨ੍ਹਾਂ ਨੂੰ ਚਾਹੀਦਾ ਹੈ ਕਿ ਉਹ ਹੋਰਨਾ ਨੂੰ ਵੀ ਵਹਿਮਾਂ-ਭਰਮਾਂ ਤੇ ਜੋਤਿਸ਼ ਦੇ ਬੇ ਫਿਜੂਲ ਚੱਕਰਾਂ ਤੋਂ ਮੁਕਤੀ ਦਿਵਾਉਂਣ ’ਚ ਯੋਗਦਾਨ ਪਾਉਂਣ।ਇਸੇ ਤਰ੍ਹਾਂ ਹੀ ਅੰਧਵਿਸ਼ਵਾਸ ਦੀਆਂ ਮੋਟੀਆਂ ਮੋਟੀਆਂ ਜ਼ੰਜ਼ੀਰਾ ’ਚ ਬੁਰੀ ਤਰ੍ਹਾਂ ਜਕੜੀ ਜਾ ਚੁੱਕੀ ਦੇਸ਼ ਦੀ ਜਿਆਦਾਤਰ ਅਬਾਦੀ ਨੂੰ ਜਦੋਂ ਤੀਕਰ ,ਇਸ ਕੋਹੜ ਵਰਗੀ ਬੀਮਾਰੀ ਤੋਂ ਨਿਜਾਤ ਨਹੀ ਦਿਵਾਈ ਜਾਂਦੀ ਉਦੋਂ ਤਕ ਦੇਸ਼ ਨੂੰ ਵਿਗਿਆਨਕ ਯੁੱਗ ਵਿੱਚ ਲਿਜਾਉਂਣ ਦੇ ਦਾਅਵੇ ਬਿਲਕੁਲ ਅਰਥਹੀਨ ਹੀ ਹੋਣਗੇ।

Sunday, November 6, 2011

ਸਿਰੋਪੇ ਦਾ ਮਜ਼ਾਕ

- ਜਗਜੀਤ ਸਿੰਘ ਖਾਲਸਾ (ਲੁਧਿਆਣਾ)
(Edited by Editor)

ਸਿਰੋਪੇ ਦਾ ਮਜ਼ਾਕ ਬਣਾ'ਤਾ ਜੱਥੇਦਾਰਾਂ ਸਾਧਾਂ ਨੇ,
ਜਣੇ ਖਣੇ ਦੇ ਗਲ ਵਿੱਚ ਪਾ'ਤਾ ਇਹਨਾਂ ਗਾਧਾਂ ਨੇ...

ਸਿਰੋਪੇ ਦੀ ਕੀ ਕੀਮਤ ਹੈ
ਇਹ ਸਮਝ ਨਾ ਸਕਦੇ ਜੀ,
ਪੀਰ ਬੁਧੂ ਨੂੰ ਜਾ ਕੇ ਪੁੱਛੋ,
ਕਿੰਝ ਉਸਨੇ 'ਤਾਰੀ ਸੀ,

ਸਿਰੋਪੇ ਦਾ ਮਜ਼ਾਕ ਬਣਾ'ਤਾ ਜੱਥੇਦਾਰਾਂ ਸਾਧਾਂ ਨੇ,
ਜਣੇ ਖਣੇ ਦੇ ਗਲ ਵਿੱਚ ਪਾ'ਤਾ ਇਹਨਾਂ ਗਾਧਾਂ ਨੇ...

ਰੋਮਾਂ ਦੀ ਜੋ ਕਰਨ ਬੇਅਦਬੀ
ਗੱਲ ਉਨਾਂ ਦੇ ਵੀ ਪਾਉਂਦੇ ਨੇ,
ਭਾਲਣ ਇਹ ਬੱਸ ਡਾਲਰ-ਯੂਰੋ
ਸਿੱਖੀ ਦੀ ਖੇਹ ਉਡਾਉਂਦੇ ਨੇ,

ਸਿਰੋਪੇ ਦਾ ਮਜ਼ਾਕ ਬਣਾ'ਤਾ ਜੱਥੇਦਾਰਾਂ ਸਾਧਾਂ ਨੇ,
ਜਣੇ ਖਣੇ ਦੇ ਗਲ ਵਿੱਚ ਪਾ'ਤਾ ਇਹਨਾਂ ਗਾਧਾਂ ਨੇ...

ਬੰਦੇ ਹੋਣ ਨਾ ਸਮਾਗਮ ਉੰਨੇ,
ਜਿੰਨੇ ਸਿਰੋਪੇ ਲੈ ਜਾਂਦੇ ਨੇ ,
ਟੈਂਟ, ਕਲੀ ਤੇ ਗਲੀ ਵਾਲੇ ਸਾਰੇ,
ਸਨਮਾਨਿਤ ਹੋ ਕੇ ਆਉਂਦੇ ਨੇ,

ਸਿਰੋਪੇ ਦਾ ਮਜ਼ਾਕ ਬਣਾ'ਤਾ ਜੱਥੇਦਾਰਾਂ ਸਾਧਾਂ ਨੇ,
ਜਣੇ ਖਣੇ ਦੇ ਗਲ ਵਿੱਚ ਪਾ'ਤਾ ਇਹਨਾਂ ਗਾਧਾਂ ਨੇ...

ਰਹਿ ਨਾ ਜਾਏ ਬਿਨ੍ਹਾਂ ਏਸਦੇ
ਬਾਬੇ ਸਭਨੂੰ ਟਰਕਾਉਂਦੇ ਨੇ,
ਘਰ ਜਿਹਨਾਂ ਨਾ ਪੁੱਛੇ ਕੋਈ
ਫ੍ਰੀ ਉਹ ਸਨਮਾਨ ਕਰਾਉਂਦੇ ਨੇ,

ਸਿਰੋਪੇ ਦਾ ਮਜ਼ਾਕ ਬਣਾ'ਤਾ ਜੱਥੇਦਾਰਾਂ ਸਾਧਾਂ ਨੇ,
ਜਣੇ ਖਣੇ ਦੇ ਗਲ ਵਿੱਚ ਪਾ'ਤਾ ਇਹਨਾਂ ਗਾਧਾਂ ਨੇ...

Friday, November 4, 2011

ਭਗਉਤੀ ਦਾ ਰਹੱਸ !

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ
ਆਪ ਦਰਸ਼ਨ ਕਰੋ ਜੀ - ਦੇਖੋ ਕਿਸ ਤਰ੍ਹਾਂ ਰਹਿਤ ਮਰਿਆਦਾ ਵਿੱਚ ਗੁਰੂ ਕਿਰਤ ਸੋਚ ਕੇ ਜੋੜ੍ਹੀ ਗਈ "ਵਾਰ ਦੁਰਗਾ ਕੀ" (ਇਹੋ ਅਸਲ ਨਾਮ ਹੈ, ਭਾਵੇਂ ਹੁਣ ਪ੍ਰਚਲਿਤ ਨਾਮ "ਵਾਰ ਭਗਉਤੀ ਜੀ ਕੀ"ਜਾਂ "ਚੰਡੀ ਦੀ ਵਾਰ" ਹਨ) ਦੇ ਸ਼ੁਰੂ ਅਤੇ ਅੰਤ ਵਿੱਚ ਲੇਖਕ ਆਪ ਬਾਰ-੨ ਦਸ ਰਿਹਾ ਹੈ ਕਿ ਇਹ ਰਚਨਾ ਵਿੱਚ ਉਸਦੀ ਇਸ਼ਟ ਭਗਉਤੀ ਕੌਣ ਹੈ ?



ਦਸਮ ਗ੍ਰੰਥੀਏ ਜਾਂ ਰਹਿਤ ਮਰਿਆਦਾ ਦੀ ਏਕਤਾ ਦੇ ਨਾਮ ਤੇ ਇਸ ਪਉੜੀ ਨੂੰ ਪੜ੍ਹਨ ਵਾਲੇ ਜੋ ਮਰਜ਼ੀ ਦਲੀਲ ਦੇਣ ਪਰ ਕਿਸੇ ਵੀ ਰਚਨਾ ਦਾ ਪ੍ਰਯੋਜਨ ਦੱਸਣ ਦਾ ਅਧਿਕਾਰ ਉਸਦੇ ਲੇਖਕ ਦਾ ਹੁੰਦਾ ਹੈ - ਜੋ ਇੱਥੇ ਘੱਟੋ-ਘੱਟ ਤਿੰਨ ਵਾਰ ਦੱਸ ਦਿੱਤਾ ਗਿਆ ਹੈ ਕਿ ਇਹ ਸਾਰੀ ਰਚਨਾ ਸਮੇਤ ਪਹਿਲੀ ਅਰਦਾਸ ਵਾਲੀ ਪਉੜੀ ਦੇ ਹਿੰਦੂ ਦੇਵੀ ਦੁਰਗਾ ਦੀ ਉਪਮਾ ਵਿੱਚ ਲਿਖੀ ਗਈ ਹੈ !

ਅੰਤ ਵਿੱਚ ਵੀ ਲੇਖਕ ਨੇ ਸਾਫ਼ ਦੱਸ ਦਿੱਤਾ ਹੈ ਕਿ ਆਪਣੀ ਦੁਰਗਾ ਤੇ ਸ਼ਰਧਾ ਕਾਰਨ ਉਪਰੋਕਤ ਸਾਰੀ ਰਚਨਾ “ਦੁਰਗਾ ਪਾਠ” ਉਸਨੇ ਸਿਰਫ਼ ਤੇ ਸਿਰਫ਼ ਦੇਵੀ ਨੂੰ ਸਮਰਪਿਤ ਹੋ ਕੇ ਹੀ ਬਣਾਈ ਹੈ ਤੇ ਇਸ ਸਭ ਵਿੱਚ ਕੇਵਲ ਦੇਵੀ ਦੀ ਹੀ ਉਪਮਾ ਹੈ !

ਹੁਣ ਸੋਚ ਲੈਣਾ ਕਿ ਦੱਸਵੇਂ ਨਾਨਕ ਦੀ ਵਿਚਾਰਧਾਰਾ ਕੀ ਬਾਕੀ ਨੌ ਗੁਰੂਆਂ ਜਾਂ ਗੁਰੂ ਗ੍ਰੰਥ ਸਾਹਿਬ ਵਿੱਚ ਲਿਖੀ ਬਾਣੀ ਦੇ ਉਲਟ ਸੀ, ਜੋ ਉਹ ਦੁਰਗਾ ਨੂੰ ਬਾਕੀ ਨੌਂ ਗੁਰੂਆਂ ਤੋਂ ਪਹਿਲਾਂ ਸਿਮਰਨਾ ਚਾਹੁੰਦੇ ਹਨ ?

ਕੀ ਦੱਸਵੇਂ ਨਾਨਕ ਗੁਰੂ ਗ੍ਰੰਥ ਸਾਹਿਬ ਦੇ ਇਸ ਮਹਾਂਵਾਕ ਤੋਂ ਅਨਜਾਣ ਸਨ "ਤੂ ਕਹੀਅਤ ਹੀ ਆਦਿ ਭਵਾਨੀ॥ ਮੁਕਤਿ ਕੀ ਬਰੀਆ ਕਹਾ ਛਪਾਨੀ॥੪॥" (ਗੋਡ, ਪੰ: ੮੭੪) ਜਿਸ ਵਿੱਚ ਸਾਫ਼-੨ ਕਿਹਾ ਗਿਆ ਹੈ ਕਿ ਦੇਵੀ ਦੀ ਪੂਜਾ ਕਰਨ ਵਾਲਾ ਭਟਕਦਾ ਹੀ ਰਹਿੰਦਾ ਹੈ ਅਤੇ ਮੁਕਤੀ ਕਿਸੇ ਦੇਵੀ ਦੇ ਹੱਥ ਨਹੀਂ ਤੇ ਅੰਤ ਕਾਲ ਜਦੋਂ ਮਨੁੱਖ ਨੂੰ ਉਸਦੀ ਲੋੜ੍ਹ ਹੁੰਦੀ ਹੈ ਤਾਂ ਇਹ ਦੇਵੀ ਮੂੰਹ ਛੁਪਾ ਕੇ ਪਤਾ ਨਹੀਂ ਕਿੱਥੇ ਦੌੜ ਜਾਂਦੀ ਹੈ ? ਫੇਰ ਉਹਨਾਂ ਨੇ ਇਹ ਕਿਵੇਂ ਲਿੱਖ ਦਿੱਤਾ ਕਿ ਦੁਰਗਾ ਦਾ ਇਹ ਪਾਠ ਪੜ੍ਹਨ ਨਾਲ ਮੁਕਤੀ ਮਿਲ ਜਾਂਦੀ ਹੈ ?

ਓ ਭੋਲਿਓ! ਇਸ ਦੁਰਗਾ ਪਾਠ ਦਾ ਰਚੇਤਾ ਕੋਈ ਸਾਕਤ ਮਤੀ ਬਿਪਰ ਤਾਂ ਹੋ ਸਕਦਾ ਹੈ, ਗੁਰੂ ਨਾਨਕ ਦੀ ਵਿਚਾਰਧਾਰਾ ਦਾ ਦੱਸਵਾਂ ਪਹਿਰੇਦਾਰ ਤੁਹਾਡਾ ਦੱਸਵਾਂ ਗੁਰੂ ਕਦੇ ਵੀ ਨਹੀਂ ਹੋ ਸਕਦਾ !!!

Thursday, November 3, 2011

ਵੈਦਿਕ-ਅਰਥਾਵਲੀ

- ਡਾ. ਗੁਰਮੀਤ ਸਿੰਘ 'ਬਰਸਾਲ ' (ਕੈਲੇਫੋਰਨੀਆ)
gsbarsal@gmail.com


ਵੈਦਿਕ ਕਾਲ ਦੇ ਸ਼ਬਦਾਂ ਦੇ ਅਰਥ ਅੱਜ-ਕਲ,
ਗੁਰੂ-ਗਿਆਨ ਤੇ ਹਮਲੇ ਕਰਵਾਈ ਜਾਂਦੇ ।
ਕਰਮ-ਫਿਲਾਸਫੀ ਗੁਰਮਤਿ ਅਨਕੂਲ ਦਸਕੇ,
ਆਵਾ-ਗਵਣ ਨੂੰ ਸੀਸ ਝੁਕਵਾਈ ਜਾਂਦੇ ।
ਜਿਸ ਰਸਤਿਓਂ ਹਮਲੇ ਦਾ ਡਰ ਹੁੰਦਾ,
ਸਿਆਣੇ ਆਖਦੇ ਕਿਲਾ ਉਸਾਰ ਰੱਖੋ ;
ਕਈ ਅਜੇ ਵੀ ਵਿਪਰੋਂ ਅਵੇਸਲੇ ਹੋ,
ਭਵਿੱਖਤ ਹਮਲੇ ਲਈ ਰਾਹ ਛਡਵਾਈ ਜਾਂਦੇ ।।

Wednesday, November 2, 2011

ਬੇਇਨਸਾਫੀ ਦੇ ਸਤਾਈ ਸਾਲ ਸਤਾਈ ਮਿੰਟ ਦਾ ਪੂਰਨ ਹਨੇਰਾ ਕਰ ਕੇ ਮਨਾਏ ਜਾਣ !

- ਪ੍ਰੋਫੈਸਰ ਕਵਲਦੀਪ ਸਿੰਘ ਕੰਵਲ

ਓ ਸੁੱਤਿਓ ਸਿੱਖੋ ! ਉੱਠੋ !! ਵੇਖੋ !!! ਕਿਸ ਤਰ੍ਹਾਂ ਅੱਜ ਸਤਾਈ ਸਾਲ ਹੋ ਗਏ ਨੇ ਤੁਹਾਡਾ ਯੋਜਨਾਬੱਧ ਨਸਲਘਾਤ ਕੀਤਿਆਂ, ਇੱਕ ਕਹੇ ਜਾਂਦੇ ਲੋਕਤੰਤਰ ਅੰਦਰ ਤੁਹਾਡੀ ਕਤਲੋ-ਗਾਰਤ ਕੀਤਿਆਂ, ਚਾਂਘਾਂ ਮਾਰ-੨ ਤੁਹਾਡੇ ਖੂਨ ਦੀ ਹੋਲੀ ਖੇਡਿਆਂ ...

ਵੇਖਿਓ ਕਿਤੇ ਭੁੱਲ ਨਾ ਜਾਣਾ ਆਪਣੇ ਇਸ ਘੱਲੂਘਾਰੇ ਨੂੰ ਕਿਉਂ ਕਰ ਜੋ ਕੌਮਾਂ ਅਣਖ ਭੁਲਾ ਆਪਣੇ 'ਤੇ ਹੋਏ ਜ਼ੁਲਮਾਂ ਦੀ ਦਾਸਤਾਨ ਭੁੱਲ ਜਾਂਦੀਆਂ ਨੇ, ਉਹ ਆਪਣੇ ਖਾਤਮੇ ਦਾ ਰਾਹ ਪੱਧਰਾ ਕਰ ਦਿੰਦੀਆਂ ਹਨ !!!

309093_313168368697742_100000137432967_1495788_1077771926_n

(ਤਸਵੀਰ: ਦਲਜੀਤ ਸਿੰਘ ਦਿੱਲੀ )

ਜਿਸ ਪ੍ਰਕਾਰ ਹੋਰ ਕੌਮਾਂ ਰਾਜੇ ਰਾਮ ਦੀ ਕਹਾਣੀ ਨੂੰ ਅਧਾਰ ਬਣਾ ਕੇ ਸਦੀਆਂ ਤੋਂ ਦੀਵਾਲੀ ਤੇ ਦੁਸਹਿਰਾ ਮਨਾ ਰਹੀਆਂ ਹਨ, ਸਾਡੇ ਸਿੱਖਾਂ ਦਾ ਵੀ ਫਰਜ਼ ਬਣਦਾ ਹੈ ਕਿ ਕੇਵਲ ਢਾਈ ਦਹਾਕੇ ਪਹਿਲਾਂ ਸਾਡੇ ਨਾਲ ਵਾਪਰੇ ਦੁਖਾਂਤ ਨੂੰ ਵਾਰ-੨ ਮਨਾਇਆ ਜਾਵੇ, ਤਾਂਕਿ ਸਾਡੀਆਂ ਆਉਣ ਵਾਲੀਆਂ ਨਸਲਾਂ ਜਾਣ ਸਕਣ ਕਿ ਇਸ 'ਨਕਲੀ ਲੋਕਤੰਤਰ' ਅੰਦਰ ਅਸੀਂ ਆਪਣੇ ਪਿੰਡੇ 'ਤੇ ਕੀ-ਕੀ ਹੰਢਾਇਆ ਹੈ ! ਸਤਾਈ ਸਾਲ ਪਹਿਲਾਂ ਜੋ ਹਨੇਰਾ ਜੋ ਭਿਆਨਕ ਕਾਲੇ ਦਿਨ ਸਾਡੇ ਵੀਰਾਂ ਭੈਣਾਂ ਨੇ ਝੱਲੇ ਹਨ ਤੇ ਸਰਕਾਰ-ਏ-ਹਿੰਦ ਵਲੋਂ ਬੜ੍ਹੀ ਬੇਸ਼ਰਮੀ ਨਾਲ ਸਰੇਆਮ ਕੀਤੀ ਜਾ ਰਹੀ ਬੇਇਨਸਾਫੀ ਕਾਰਨ ਜਿਸਦੇ ਰਿਸਦੇ ਜ਼ਖਮ ਅਜੇ ਵੀ ਸਾਡੇ ਪਿੰਡੇ ਤੇ ਮੌਜੂਦ ਹਨ, ਆਓ ਹਿੰਦ ਸਰਕਾਰ ਨੂੰ ਉਸੇ ਹਨੇਰੇ ਅਤੇ ਉਸੇ ਕਾਲਖ਼ ਦਾ ਸ਼ੀਸ਼ਾ ਦਿਖਾਉਣ ਲਈ  ਅਤੇ ਜ਼ੁਲਮਾਂ ਦਾ ਸ਼ਿਕਾਰ ਹੋਏ ਆਪਣੇ ਮਾਸੂਮ ਵੀਰਾਂ, ਭੈਣਾਂ ਅਤੇ ਬੱਚਿਆਂ ਨੂੰ ਸ਼ਰਧਾਂਜਲੀ ਦਿੰਦੇ ਹੋਏ ਆਪਣੇ ਇਹਨਾਂ ਦਿਨਾਂ ਨੂੰ ਭਰ "ਹਨੇਰਾ" ਕਰ ਮਨਾਈਏ !!

ਤਿੰਨ ਤਰੀਕ ਨੂੰ ਘੱਟੋ-ਘੱਟ ਹਰ ਸਿੱਖ ਘਰ ਤੇ ਹਰ ਉਹ ਮਨੁੱਖ ਜੋ ਮਨੁੱਖੀ-ਅਧਿਕਾਰਾਂ ਦਾ ਹਾਮੀ ਹੈ, ਸਤਾਈ ਮਿੰਟ ਪੂਰੀ ਤਰ੍ਹਾਂ ਬਿਜਲੀ ਬੰਦ ਕਰਕੇ "ਹਨੇਰਾ" ਜ਼ਰੂਰ ਕਰੇ ...

ਸਭ ਨੂੰ ਤਿਆਰ ਕੀਤਾ ਜਾਵੇ ਕਿ 3 ਨਵੰਬਰ 2011 ਨੂੰ ਇਸ ਕਤਲੇਆਮ ਦੀ ਯਾਦ ਇੰਡੀਅਨ ਟਾਈਮ ਅਨੁਸਾਰ ਸ਼ਾਮੀਂ 8:00 pm ਵਜੇ ਤੋਂ 8:27 pm ਤਕ ਸਤਾਈ ਮਿੰਟ ਬਿਜਲੀ ਪੂਰਨ ਬੰਦ ਕਰਕੇ "ਹਨੇਰਾ" ਕਰਕੇ ਮਨਾਈ ਜਾਵੇ !

ਇਸ ਸੁਨੇਹੇ ਨੂੰ ਦੁਨੀਆਂ ਦੇ ਹਰ ਕੋਨੇ ਵਿੱਚ ਪਹੁੰਚਾਉਣਾ ਸਾਡਾ ਪਹਿਲਾ ਫਰਜ਼ ਹੈ ...

ਮੀਡੀਆ ਦੇ ਹਰ ਜ਼ਰੀਏ, ਅਖਬਾਰ, ਰੇਡੀਓ, ਟੀ.ਵੀ. , SMS, ਇੰਟਰਨੈੱਟ, ਈਮੇਲ, ਟਵਿੱਟਰ, ਫੇਸਬੁੱਕ, ਹੋਰ ਵੀ ਜਿੱਥੇ ਤਕ ਕਿਸੇ ਦੀ ਪਹੁੰਚ ਹੈ, ਗਲੀ, ਮੁਹੱਲੇ, ਸ਼ਹਿਰ ਦੀਆਂ ਸੰਸਥਾਵਾਂ, ਗੁਰਦਵਾਰੇ, ਹਰ ਪਾਸੇ ਇਸ ਵਿਰੋਧ ਦੀ ਆਵਾਜ਼ ਬੁਲੰਦ ਕੀਤੀ ਜਾਵੇ ..

ਯਾਦ ਰਹੇ 3 ਨਵੰਬਰ 2011 ਸ਼ਾਮ 8:00 to 8:27 ਇੰਡੀਅਨ ਟਾਈਮ ਅਨੁਸਾਰ !!

ਨਵੰਬਰ ੧੯੮੪ ਦੇ ਸਿੱਖ ਨਸਲਘਾਤ ਦੇ ਇਸ ਵਿਰੋਧ ਨੂੰ ਤਕੜਾ ਕਰੋ.. ਵਧ ਤੋਂ ਵਧ ਆਮ ਜਨਤਾ ਵਿੱਚ ਇਸਦੀ ਜਾਗਰੁਕਤਾ ਫੈਲਾਓ ..

See below the link of Facebook Event for same:

https://www.facebook.com/event.php?eid=221063027960059

ਜਰਨਲ ਭੁੱਲਰ ਦੀ ਚੌਮੁਖੀ ਸੇਵਾ - ਸ. ਗੁਰਤੇਜ ਸਿੰਘ ਆਈ. ਏ. ਐੱਸ

Tuesday, November 1, 2011

ਸਿੱਖ ਨਸਲਕੁਸ਼ੀ ਨੂੰ ਜਾਇਜ ਠਹਿਰਾਉਂਣ ਵਾਲਿਆਂ ਪਾਸੋਂ ‘‘ਨਿਆਂ ਦੀ ਆਸ” ਕਦੋਂ ਤੀਕਰ ਰੱਖੀ ਜਾਵੇਗੀ

- ਜਗਤਾਰ ਸਿੰਘ ਨਵੀਂ ਦਿੱਲੀ

ਦੁਨੀਆ ਦੇ ਸਭ ਤੋਂ ਵੱਡੇ ਲੋਕਤੰਤਰ ਮੰਨੇ ਜਾਂਦੇ ਭਾਰਤ ਦੀ ਰਾਜਧਾਨੀ ਦਿੱਲੀ’ਚ ਯੋਜਨਾਬੱਧ ਤਰੀਕੇ ਨਾਲ ‘‘ਸਿੱਖ ਨਸਲਕੁਸ਼ੀ” ਦੀ ਸਾਜਸ਼ ਨੂੰ ਅੰਜ਼ਾਮ ਦੇਣ ਵਾਲੇ ‘‘ਦੋਸ਼ੀਆਂ” ਨੂੰ ਸਜਾ ਦਿਵਾਉਂਣ ਦਾ ਮਸਲਾ ,ਪਿਛਲੇ ਕਈ ਵਰ੍ਹਿਆਂ ਤੋਂ ਭਾਰਤ ਦੀ ਨਿਆਇਕ-ਵਿਵਸਥਾ ਤੇ ਜਾਂਚ-ਏਜੰਸੀਆਂ ਦੀ ਕਾਰਜ-ਪ੍ਰਣਾਲੀ ਨੂੰ ਮੁੰਹ ਚਿੜ੍ਹਾ ਰਿਹਾ ਹੈ।ਭਾਵੇਂ ਜਾਂਚ-ਏਜੰਸੀਆਂ ਨੂੰ ਕਈ ਅਹਿਮ ਮਾਮਲਿਆਂ ’ਚ ਸ਼ਿਕਾਇਤ ਹੁੰਦੀ ਹੈ ਕਿ ਨਿਆਂ-ਪ੍ਰਣਾਲੀ ਦੀ ਲਚਰਤਾ ਕਾਰਨ ਹੀ, ਉਨ੍ਹਾਂ(ਜਾਂਚ ਏਜੰਸੀਆਂ) ਵਲੋਂ ਕੀਤੀ ਗਈ ਕੜੀ ਮਸ਼ੱਕਤ ਵਿਅਰਥ ਹੋ ਜਾਂਦੀ ਹੈ,ਪਰ ਜਾਂਚ ਏਜੰਸੀਆਂ ਦੇ ਇਸ ਦਾਅਵੇ ਦੇ ਐਨ ਉਲਟ ਕਈ ਵਾਰ ਸਿਆਸੀ ਅਪਰਾਧੀਆਂ ਦੇ ਮਾਮਲੇ ’ਚ,ਜਦੋ ਅਦਾਲਤਾਂ ਵਲੋਂ ਸਖਤ ਰੁੱਖ ਅੱਖਤਿਆਰ ਕੀਤਾ ਜਾਦਾਂ ਹੈ, ਤਾਂ ਇਹੀ ਜਾਂਚ-ਏਜੰਸੀਆਂ, ਗੰਭੀਰਤਾ ਨਾਲ ਜਾਂਚ ਕਰਣ ਤੋਂ ਪਾਸਾ ਵੱਟ ਕੇ,ਖੁੱਦ ਹੀ ਆਰੋਪੀਆਂ ਨੂੰ ਕਲੀਨ-ਚਿੱਟ ਦੇਣ ਦਾ ਆਧਾਰ ਤਿਆਰ ਕਰਨ ’ਚ ਰੁੱਝੀਆਂ ਪ੍ਰਤੀਤ ਹੁੰਦੀਆ ਹਨ। ਹੈਰਾਨੀ ਦੀ ਗੱਲ ਹੈ ਕਿ ਸੁਪਰੀਮ ਕੋਰਟ ਜਾਂ ਜਾਂਚ ਕਮੀਸ਼ਨ ਦੀ ਪੜਤਾਲ ਵਿੱਚ ਤਾਂ ਕਈ ਸਿਆਸਤਦਾਨ ਦੋਸ਼ੀ ਨਜ਼ਰ ਆਉਂਦੇ ਹਨ ਅਤੇ ਉਨ੍ਹਾਂ ਤੇ ਮੁਕਦਮਾ ਚਲਾਉਂਣ ਦੀ ਸਿਫਾਰਿਸ਼ ਵੀ ਕੀਤੀ ਜਾਂਦੀ ਰਹੀ ਹੈ, ਪਰ ਦੇਸ਼ ਦੀ ਕਥਿਤ ਮੁੱਖ ਜਾਂਚ-ਏਜੰਸੀ ਵਲੋਂ, ਆਪਣੀ ਰਿਪੋਰਟ ਵਿੱਚ ਆਰੋਪੀ ਆਗੂਆਂ ਖਿਲਾਫ ਕੋਈ ਸਬੂਤ ਨਾ-ਹੋਣ ਦਾ ਬਹਾਨਾਂ ਬਣਾ ਕੇ ਜਾਂ ਕਈ ਮਾਮਲਿਆਂ ਵਿੱਚ ਤਾਂ ਆਰੋਪੀ ਨੂੰ ਸਿੱਧਾ ਹੀ ਨਿਰਦੋਸ਼ਤਾ ਦਾ ਸਰਟੀਫਿਕੇਟ ਦੇ ਕੇ ਮਾਮਲੇ ਨੂੰ ਦਬਾਉਣ ਦਾ ਯਤਨ ਕੀਤਾ ਜਾਂਦਾ ਰਿਹਾ ਹੈ।ਕੁਝ ਸਮਾਂ ਪਹਿਲਾਂ ਵੀ ‘‘ਸਿੱਖ ਨਸਲਕੁਸ਼ੀ” ਦੇ ਮੁੱਖ ਆਰੋਪੀ ਸੱਜਣ ਕੁਮਾਰ ਦੇ ਖਿਲਾਫ ,ਗੈਰ ਜਮਾਨਤੀ ਵਾਰੰਟ ਜਾਰੀ ਹੋਣ ਉਪਰੰਤ ਸੀ.ਬੀ.ਆਈ. ਦੀ ਲੱਚਰ ਕਾਰਜ ਪ੍ਰਣਾਲੀ ਤੋਂ ਨਾਰਾਜ ਹੋਕੇ,ਕੋਰਟ ਨੇ, ਸੀ.ਬੀ.ਆਈ. ਦੀ ਤਗੜੀ ਝਾੜ-ਝੰਬ ਕੀਤੀ ਸੀ।

ਦਰਅਸਲ ਦੇਸ਼ ਦੀ ਸਭ ਤੋਂ ਭਰੋਸੇਯੋਗ ਮੰਨੀ ਜਾਣ ਵਾਲੀ ਜਾਂਚ-ਏਜੰਸੀ ਸੀ.ਬੀ.ਆਈ. ਦਾ ਰੋਲ ‘‘ਸਿੱਖ ਨਸਲਕੁਸ਼ੀ” ਦੇ ਮਾਮਲੇ’ਚ ਬਹੁਤ ਹੀ ਸ਼ੱਕੀ ਕਿਸਮ ਦਾ ਰਿਹਾ ਹੈ। ਸਾਲ 2009 ਦੌਰਾਨ ਦੇਸ਼ ’ਚ ਹੋਈਆ ਲੋਕਸਭਾ ਚੋਣਾਂ ਦੇ ਐਨ ਪਹਿਲਾਂ ,ਕਤਲੇਆਮ ਦੇ ਆਰੋਪੀ ਜਗਦੀਸ਼ ਟਾਈਟਲਰ ਨੂੰ ਦੂਜ਼ੀ ਵਾਰ ਕਲੀਨ-ਚਿੱਟ ਦੇ ਕੇ ਸੀ.ਬੀ.ਆਈ. ਨੇ ਆਪਣੀ ਕਾਰਜ਼ਪ੍ਰਣਾਲੀ ਅਤੇ ਵਿਸ਼ਵਸਨੀਕਤਾ ਉਤੇ ਖੁੱਦ ਹੀ ਸਵਾਲੀਆ ਨਿਸ਼ਾਨ ਲਗਾ ਦਿੱਤਾ ਸੀ।ਚੌਣਾਂ ਤੋਂ ਐਨ ਪਹਿਲਾਂ ਟਾਈਟਲਰ ਨੂੰ ਕਲੀਨ ਚਿੱਟ ਮਿਲਣਾ ਵੀ ਕੋਈ ਸੰਜੋਗ ਦੀ ਗੱਲ ਨਹੀਂ, ਬਲਕਿ ਏਜੰਸੀਆਂ ਦੀ ਪੱਖਪਾਤੀ ਨੀਤੀ ਦਾ ਹੀ ਇਕ ਸੋਚਿਆ ਸਮਝਿਆ ਨਤੀਜਾ ਸੀ । ਚੌਣਾਂ ਤੋਂ ਪਹਿਲਾਂ ਹੀ ਇਕ ਹੋਰ ਅਹਿਮ ਘਟਨਾ ਵਾਪਰੀ ਜਦੋਂ ਇਕ ਪ੍ਰੈਸ ਕਾਨਫਰੰਸ ਦੌਰਾਨ ਸਿੱਖ ਪੱਤਰਕਾਰ ਜਰਨੈਲ ਸਿੰਘ ਨੇ, ਗ੍ਰਹਿ ਮੰਤਰੀ ਸ਼੍ਰੀ ਚਿਦੰਬਰਮ ਵੱਲ, ਜੁੱਤੀ ਸੁੱਟਣ (ਸੰਕੇਤਕ ਰੋਸ ਵਜੋ) ਦੀ ਘਟਨਾ ਰਾਹੀਂ,ਸਮੁੱਚੀ ਦੁਨੀਆ ਨੂੰ,ਸਿੱਖਾਂ ਦੇ ਕੌਮੀ-ਦਰਦ ਤੋਂ ਜਾਣੂ ਕਰਵਾ ਕੇ ਹਕੂਮਤ ਨੂੰ ਕਾਂਬਾ ਛੇੜ ਦਿੱਤਾ।ਇਸ ਘਟਨਾ ਕਾਰਨ ਚੋਣਾ ’ਚ ਹੋਣ ਵਾਲੇ ਨੁਕਸਾਨ ਦੀ ਆਸ਼ੰਕਾ ਤੋਂ ਡਰਦਿਆ ਕਾਂਗਰਸ ਹਾਈਕਮਾਨ ਨੇ, ਟਾਈਟਲਰ ਤੇ ਸੱਜਣ ਕੁਮਾਰ ਦੀ ਉਮੀਦਵਾਰੀ ਰੱਦ ਕਰ ਦਿੱਤੀ, ਪਰ ਸਵਾਲ ਇਨ੍ਹਾਂ ਦੋਸ਼ੀਆਂ ਦੇ ਸਿਆਸੀ ਕੈਰੀਅਰ ਉਤੇ ਰੋਕ ਲਗਾਉਂਣ ਦਾ ਨਹੀ, ਬਲਕਿ ਸਵਾਲ ਤਾਂ ਸਿੱਖ ਕੌਮ ਨੂੰ ਨਿਆਂ ਦਿਵਾਉਂਣ ਦਾ ਹੈ,ਜਿਸਨੂੰ ਪਿਛਲੇ 25ਵਰ੍ਹਿਆਂ ਤੋਂ ਵਕਤ ਦੀਆਂ ਹਕੂਮਤਾਂ ਵਲੋਂ ਲਗਾਤਾਰ ਖੱਜਲ-ਖੁਆਰ ਕੀਤਾ ਜਾ ਰਿਹਾ ਹੈ।

ਦਰਅਸਲ ਕਾਂਗਰਸੀ ਹਕੂਮਤ ਨੂੰ ਚੰਗੀ ਤਰ੍ਹਾ ਅਹਿਸਾਸ ਹੈ ਕਿ, ਜੇਕਰ ਟਾਈਟਲਰ ਜਾਂ ਸੱਜਣ ਕੁਮਾਰ ਉਤੇ ਕਤਲੇਆਮ ’ਚ ਭੁਮਿਕਾ ਨਿਭਾਉਂਣ ਦਾ ਅਪਰਾਧ ਸਾਭਤ ਹੋ ਗਿਆ ਤਾਂ ਨਿਰਦੋਸ਼ ਸਿੱਖਾਂ ਦਾ ਕਤਲੇਆਮ ਕਰਣ ਲਈ ਘੜੀ ਗਈ ਸਾਜਸ਼ ਦਾ ‘‘ਪੂਰਾ ਸੱਚ” ਦੁਨੀਆ ਸਾਹਮਣੇ ਉਜਾਗਰ ਹੋਣ ਦੀ ਸੰਭਾਵਨਾ ਬਣ ਜਾਵੇਗੀ ਅਤੇ ਫਿਰ ਇਹ ਭੇਦ ਲੁਕਾਉਂਣਾ ਬਹੁਤ ਹੀ ਮੁਸ਼ਕਲ ਹੋ ਜਾਵੇਗਾ ਕਿ, ਉਸ ਵਕਤ ‘‘ਸਿੱਖ ਨਸਲਕੁਸ਼ੀ” ਦੇ ਸਾਰੇ ਨਿਰਦੇਸ਼ ਕਿਥੋ ਦਿੱਤੇ ਜਾ ਰਹੇ ਸਨ। ‘‘ਸਿੱਖ ਨਸਲਕੁਸ਼ੀ” ਮਾਮਲੇ’ਚ ਗੈਰ-ਸਰਕਾਰੀ ਸੰਸਥਾਵਾਂ ਵੱਲੋਂ ਵੀ ਕਈ ਵਾਰ ਇਹ ਦਾਅਵਾ ਕੀਤਾ ਜਾ ਚੁੱਕਾ ਹੈ ਕਿ, ਉਸ ਵੇਲੇ ਕਤਲੇਆਮ ਦੇ ਨਿਰਦੇਸ਼ ਦੇਣ ਵਾਲੇ ਹੁਕਮਰਾਨਾ ਵਲੋਂ,ਰਾਜਧਾਨੀ ਦੇ ਹਰੇਕ ਇਲਾਕੇ ’ਚ ਕਤਲ ਕੀਤੇ ਗਏ ਸਿੱਖਾਂ ਦੀਆਂ ‘‘ਲਾਸ਼ਾ ਦੀ ਗਿਣਤੀ” ਦੇ ਹਿਸਾਬ ਨਾਲ ਹੀ ਪਾਰਟੀ ਆਗੂਆਂ ਨੂੰ,ਭਵਿੱਖ’ਚ ਵਜ਼ੀਰੀਆਂ ਅਤੇ ਅਹੁਦੇਦਾਰੀਆਂ ਦਿੱਤੇ ਜਾਣ ਦਾ ਭਰੋਸਾ ਦਿੱਤਾ ਗਿਆ ਸੀ।ਉਪਰੋਕਤ ਸਥਿਤੀ ਤਾਂ ਇਹੀ ਸੰਕੇਤ ਕਰਦੀ ਹੈ ,ਕਿ ‘‘ਸਿੱਖ ਨਸਲਕੁਸ਼ੀ” ਦੀ ਸਾਜਸ਼ ਬਾਰੇ ਉਸ ਸਮੇਂ ਦੇ ਤਕਰੀਬਨ ਸਾਰੇ ਹੀ ਸਿਆਸਤਦਾਨਾ ਨੂੰ ਪਹਿਲਾਂ ਤੋ ਹੀ ਮੁਕੰਮਲ ਜਾਣਕਾਰੀ ਸੀ ਅਤੇ ਸ਼ਾਇਦ ਇਸੇ ‘‘ਭੇਦ” ਨੂੰ, ਵਕਤ ਦੀਆਂ ਹਕੂਮਤ ਉਜਾਗਰ ਨਹੀ ਹੋਣ ਦੇਣਾ ਚਾਹੁੰਦੀਂ,ਜਿਸਦੇ ਕਾਰਨ ਹੀ ਸਿੱਖਾ ਨੂੰ ਨਿਆ ਦਿਵਾਉਂਣ ਤੋਂ ਸਿੱਧੇ ਰੂਪ’ਚ ਪਾਸਾ ਵੱਟਿਆ ਜਾ ਰਿਹਾ ਹੈ।

‘‘ਸਿੱਖ ਨਸਲਕੁਸ਼ੀ” ਦੀ ਸਾਜਿਸ਼ ਨੂੰ ਯੋਜਨਾਬੱਧ ਤਰੀਕੇ ਨਾਲ ਨੇਪਰੇ ਚਾੜ੍ਹਨ ਵਾਲੇ ਹੁਕਮਰਾਨਾਂ ਵੱਲੋਂ ਜਾਰੀ ਨਿਰਦੇਸ਼ਾ ਦੇ ਤਹਿਤ,ਰਾਜਧਾਨੀ ਦਿੱਲੀ ’ਚ ਲਗਾਤਾਰ ਤਿੰਨ ਦਿਨ ਤਕ ਭੂਤਰੀ ਹੋਈ ਭੀੜ ਨੇ ,ਨਿਰਦੋਸ਼ ਸਿੱਖਾਂ ਨੂੰ ਗੈਰ-ਮਨੁੱਖੀ ਤਸ਼ਦਦ ਦੇਕੇ ਕਤਲ ਕੀਤਾ ਅਤੇ ਜਾਇਦਾਦਾਂ ਨੂੰ ਲੁਟਿਆ ਜਾਂ ਸਾੜ੍ਹਿਆ।ਜੇਕਰ ਮੋਟੇ ਤੌਰ ’ਤੇ ਅੰਦਾਜਾ ਲਗਾਈਏ ਤਾਂ ਸਿਰਫ ਰਾਜਧਾਨੀ ਦਿੱਲੀ ਦੇ ਵੱਖ-ਵੱਖ ਇਲਾਕਿਆਂ ’ਚ ਖਰੂੰਦ ਮਚਾਉਂਣ ਵਾਲੀ ਭੂਤਰੀ ਹੋਈ ਭੀੜ ਦੀ ਕੁਲ ਗਿਣਤੀ ਲੱਖਾਂ ਤੋਂ ਉਪਰ ਟੱਪ ਜਾਂਦੀ ਹੈ,ਜੋ ਕਿ ਪੁਲਿਸ ਤੇ ਪ੍ਰਸ਼ਾਸਨ ਨੂੰ ਸਿੱਧੇ ਰੂਪ’ਚ ਕਟਹਿਰੇ ਵਿੱਚ ਖੜਾ ਕਰਦੀ ਹੈ ।ਉਸ ਵੇਲੇ ਭੂਤਰੀ ਹੋਈ ਭੀੜ ਦੀ ਮਾਨਸਿਕਤਾ ਤਾਂ ਅਜਿਹਾ ਨੀਵੇਂ ਪੱਧਰ ਦਾ ਰੂਪ ਧਾਰ ਗਈ, ਕਿ ਕਈ ਥਾਵਾਂ ਤੇ ਗਰੀਬ ਸਿੱਖਾਂ ਦੀਆਂ ਕਰਿਆਨੇ ਦੀਆਂ ਦੁਕਾਨਾ ਤੋਂ ਪੰਜ਼ ਰੁਪਏ ਕੀਮਤ ਵਾਲਾ ‘‘ਬਿਸਕੁਟ ਦਾ ਪੈਕਟ” ਅਤੇ ‘‘ਲੂਣ ਦੀ ਥੈਲੀ” ਵਰਗੀਆਂ ਵਸਤੁਆਂ ਵੀ ਲੁੱਟਣ ਤੋਂ ਵੀ ਗੁਰੇਜ਼ ਨਹੀ ਕੀਤਾ ਗਿਆ। ‘‘ਸਿੱਖ ਨਸਲਕੁਸ਼ੀ” ਦਾ ਸਭ ਤੋਂ ਹੈਰਾਨੀਜਨਕ ਪਹਿਲੂ ਇਹ ਵੀ ਹੈ ਕਿ, 25 ਵਰ੍ਹੇ ਬੀਤਣ ਉਪਰੰਤ ਵੀ,ਰਾਜਧਾਨੀ ਦਿੱਲੀ ’ਚ ਵਸਦੇ ਕਿਸੇ ‘‘ਗੈਰ-ਸਿੱਖ” ਨੇ ਜਾਗਦੀ ਜ਼ਮੀਰ ਦਾ ਸਭੂਤ ਨਹੀ ਦਿੱਤਾ ਅਤੇ ਨਾ ਹੀ ਇਨ੍ਹੀ ਦਲੇਰੀ ਵਿਖਾਈ ਕਿ ਉਹ ਕੋਰਟ ,ਮੀਡੀਆਂ ਜਾ ਕਿਸੇ ਹੋਰ ਤਰੀਕੇ ਨਾਲ ‘‘ਸਿੱਖ ਨਸਲਕੁਸ਼ੀ” ਦੀ ਸਚਾਈ ਬਿਆਨ ਕਰਦਿਆਂ ਇਹ ਕਹਿ ਸਕਦਾ ਹੋਵੇ ਕਿ ਉਸਨੇ ਅਜਿਹੀਆਂ ਮੰਦਭਾਗੀਆਂ ਘਟਨਾਵਾਂ ਵਿੱਚ ਸਿੱਧੇ ਜਾਂ ਅਸਿੱਧੇ ਰੂਪ ਵਿੱਚ ਸ਼ਮੂਲੀਅਤ ਕੀਤੀ ਜਾਂ ਇਸ ਕਤਲੇਆਮ ’ਚ ਸ਼ਮੂਲੀਅਤ ਕਰਣ ਵਾਲੇ ਕਿਸੀ ਇਕ ਵੀ ਵਿਅਕਤੀ ਦੀ ਪਛਾਂਣ ਕਰ ਸਕਦਾ ਹੈ।

ਸਿੱਖ ਕਤਲੇਆਮ ਅਤੇ ਆਰ.ਐਸ.ਐਸ. --

‘‘ਸਿੱਖ ਨਸਲਕੁਸ਼ੀ” ਨੂੰ ਜਾਇਜ ਕਰਾਰ ਦੇਣ ਲਈ ਰਾਜੀਵ ਗਾਂਧੀ ਦੇ,‘‘ਜਬ ਕੋਈ ਬੜਾ ਪੇੜ ਗਿਰਤਾ ਹੈ ਤੋਂ ਧਰਤੀ ਹਿਲਤੀ ਹੈ” ਬਿਆਨ ਤੋਂ ਸਾਰੇ ਹੀ ਜਾਣੂ ਹਨ,ਪਰ ਸਿੱਖ ਕੌਮ ਨੂੰ ਸ਼ਾਇਦ ਇਹ ਪਤਾ ਹੀ ਨਾ ਹੋਵੇ ,ਪਰ ਇਹ ਵੀ ਸੋ ਫੀਸਦੀ ਸੱਚ ਹੈ ਕਿ ,ਆਰ.ਐਸ.ਐਸ. ਦੇ ਸਿਧਾਤ ਤੇ ਨੀਤੀਆ ਨੂੰ ਘੜ੍ਹਨ ਵਾਲਿਆਂ ਦੀ ਟੀਮ ’ਚ ਸ਼ਾਮਲ ਨਾਨਾ ਦੇਸ਼ਮੁੱਖ(ਮਰਹੂਮ) ਨੇ ,ਉਸ ਵੇਲੇ ਆਪਣੀ ਇਕ ਲਿਖਤ ਰਾਹੀਂ ਅਸਿੱਧੇ ਤਰੀਕੇ ਨਾਲ ‘‘ਸਿੱਖ ਨਸਲਕੁਸ਼ੀ” ਨੂੰ ਜਾਇਜ ਠਹਿਰਾਇਆ ਸੀ।ਹੈਰਾਨੀ ਇਸ ਗੱਲ ਦੀ ਹੈ ਕਿ ‘‘ਸਿੱਖ ਨਸਲਕੁਸ਼ੀ” ਲਈ ਕਾਂਗਰਸ ਨੂੰ ਪਾਣੀ ਪੀ-ਪੀ ਕੇ ਕੋਸਣ ਵਾਲੀ ਆਰ.ਐਸ.ਐਸ. ਨੇ, ਨਾਨਾ ਦੇਸ਼ਮੁੱਖ ਦੀ ਉਸ ਲਿਖਤ ਸਬੰਧੀਂੇ ਅੱਜ ਤਕ ਖਾਮੋਸ਼ੀ ਕਿਉਂ ਧਾਰਨ ਕੀਤੀ ਹੋਈ ਹੈ , ਕਿ ਸ਼ਾਇਦ ਇਸ ਲਈ ,ਕਿਉਂਕਿ ਉਸ ਲਿਖਤ ਨਾਲ, ‘‘ਸਿੱਖ ਨਸਲਕੁਸ਼ੀ” ਪ੍ਰਤੀ ਆਰ.ਐਸ.ਐਸ. ਦੀ ਮਨੋਬਿਰਤੀ ਉਜਾਗਰ ਨ ਹੋ ਜਾਵੇ?

‘‘ਸਿੱਖ ਨਸਲਕੁਸ਼ੀ” ਦੇ ਦਿਨਾ ’ਚ ਹੀ ,ਵੱਖ ਵੱਖ ਪਾਰਟੀ ਦੇ ਮੁੱਖ ਆਗੂਆਂ ਨੂੰ ਭੇਜੀ ਗਈ,ਨਾਨਾ ਦੇਸ਼ਮੁੱਖ ਦੀ ਲਿਖਤ ,ਸ਼ਾਇਦ ਵਕਤ ਦੇ ਹਨੇਰੇ ’ਚ ਹੀ ਗਵਾਚ ਜਾਂਦੀ ,ਪਰ ਉਸ ਦੌਰਾਨ ਇਕ ਸਪਤਾਹਿਕ ਰਸਾਲੇ ‘‘ਪ੍ਰਤੀਪਕਸ਼” ਨੇ, ਨਾਨਾ ਦੇਸ਼ਮੁੱਖ ਦੇ ਉਸ ਲਿਖਤ ਨੂੰ, ਸੰਪਾਦਕੀ ਟਿਪਣੀ ਸਹਿਤ ਛਾਪ ਕੇ ਇਕ ‘‘ਇਤਿਹਾਸਕ ਦਸਤਾਵੇਜ” ਬਣਾ ਦਿੱਤਾ।ਕਾਬਿਲੇਗੌਰ ਹੈ ਕਿ ਉਸ ਵੇਲੇ ‘‘ਪ੍ਰਤੀਪਕਸ਼” ਰਸਾਲੇ ਦਾ ਸੰਪਾਦਨ,ਸਾਬਕਾ ਵਿਦੇਸ਼ ਮੰਤਰੀ ਸ਼੍ਰੀ ਜਾਰਜ ਫਰਨਾਡਿਜ ਵੱਲੋਂ ਕੀਤਾ ਜਾਂਦਾ ਸੀ ਅਤੇ ਸਬੰਧਤ ਲੇਖ ਨੂੰ ‘‘ਇੰਦਰਾਂ ਕਾਂਗਰਸ-ਆਰ.ਐਸ.ਐਸ.ਗਠਜੋੜ” ਤਹਿਤ 25 ਨਵੰਬਰ 1984 ਦੇ ਸੰਸਕਰਣ ’ਚ ਛਾਪਿਆ ਗਿਆ ਸੀ।

‘‘ਪ੍ਰਤੀਪਕਸ਼” ਦੀ ਸੰਪਾਦਕੀ ਟਿਪਣੀ ਮੁਤਾਬਿਕ ,ਆਰ.ਐਸ.ਐਸ. ਵੱਲੋਂ, ਅਕਸਰ ਹੀ ਹਿੰਦੂ-ਸਿੱਖ ਏਕਤਾ ਦੀ ਦ੍ਰਿੜ੍ਹ ਸਮਰਥੱਕ ਹੋਣ ਦਾ ਦਾਅਵਾ ਕੀਤਾ ਜਾਂਦਾ ਹੈ ,ਪਰ ਸਬੰਧਤ ਲਿਖਤ’ਚ , ਉਹ ਤਤਕਾਲੀ ਕਾਂਗਰਸ ਲੀਡਰਸ਼ਿਪ ਦੀ ਤਰ੍ਹਾਂ ਹੀ ਇਹ ਯਕੀਨ ਕਰਦੇ ਹਨ ਕਿ ਨਿਰਦੋਸ਼ ਸਿੱਖਾਂ ਦੀ ਨਸਲਕੁਸ਼ੀ ਬਿਲਕੁਲ ਹੀ ਜਾਇਜ ਸੀ,ਬਲਕਿ ਉਸ ਲਿਖਤ ਰਾਹੀਂ ,ਸਿੱਖਾਂ ਨੂੰ ਇਹ ਵੀ ਨਸੀਹਤ ਦਿੱਤੀ ਗਈ ਕਿ ਨਸਲਕੁਸ਼ੀ ਦੌਰਾਨ ਸਿੱਖਾਂ ਨੂੰ ਆਪਣੇ ਬਚਾਅ ਲਈ ਕੁੱਝ ਨਹੀ ਕਰਨਾ ਚਾਹੀਦਾ ਸੀ।ਇਨ੍ਹਾਂ ਹੀ ਨਹੀ ਬਲਕਿ ਨਾਨਾ ਦੇਸ਼ਮੁੱਖ ਨੇ ਉਸ ਲਿਖਤ’ਚ ਇਹ ਦਾਅਵਾ ਵੀ ਕੀਤਾ ਕਿ ਸਿੱਖ ਕੌਮ ਦਾ ਲੜਾਕਾ ਸੁਭਾਅ ਵਿਦੇਸ਼ੀ ਮੁਗਲ ਹਮਲਾਵਰਾਂ ਦੀ ਨਿਰਦਇਤਾ ਦਾ ਮੁਕਾਬਲਾ ਕਰਨ ਲਈ ਦਸਵੇ ਗੁਰੂ ਵੱਲੋਬਣਾਇਆ ਗਿਆ ਇਕ ਛੋਟੇ ਸਮੇਂ ਦਾ ਵਿਧਾਨ ਸੀ ,ਜਿਸਨੂੰ ਹਿੰਦੂ ਬਿਰਾਦਰੀ ਅਤੇ ਇਸਦੇ ਰਿਵਾਜਾਂ ਦੇ ਬਚਾਵ ਲਈ ਬਣਾਇਆ ਗਿਆ ਸੀ

‘‘ਪ੍ਰਤੀਪਕਸ਼” ਦੇ ਸੰਪਾਦਕ ਨੇ,ਇਹ ਰਾਇ ਵੀ ਪ੍ਰਗਟਾਈ ਸੀ ਕਿ, ਨਾਨਾ ਦੇਸ਼ਮੁੱਖ ਦੀ ਲਿਖਤ ਉਸਦੀ ‘‘ਨਿਜੀ ਸੋਚ” ਨਹੀ ਬਲਕਿ ਇਹ ਆਰ.ਐਸ.ਐਸ. ਦਾ 1984 ਦੇ ਸਿੱਖ ਨਸਲਕੁਸ਼ੀ ਪ੍ਰਤੀ ਅਸਲ ਮਨੋਬਿਰਤੀ ਦਾ ਪ੍ਰਗਟਾਵਾ ਸੀ ।ਇਕ ਗੱਲ ਹੋਰ ਜਿਹੜੀ ਖਾਸ ਧਿਆਨ ਦੇਣ ਯੋਗ ਹੈ ਕਿ ਆਰ.ਐਸ.ਐਸ. ਨੰ ਸ਼ੁਹਰਤ ਪ੍ਰਾਪਤ ਕਰਨ ਵਾਲੀ ਸਾਮਗਰੀ ਵੰਡਣ ਦਾ ਸ਼ੌਂਕ ਹੈ-ਖਾਸ ਕਰ ਉਹ ਤਸਵੀਰਾ ਜਿਸ ਵਿੱਚ ਖਾਕੀ ਨਿੱਕਰਾ ਵਾਲੇ ਇਸਦੇ ਕਾਰਕੁੰਨ ਸਮਾਜ ਸੇਵਾ ਕਰਦੇ ਨਜਰ ਆਉਂਦੇ ਹਨ ,ਪਰ 1984 ਦੀ ਹਿੰਸਾ ਲਈ ਇਨ੍ਹਾ ਕੋਲ ਕੋਈ ਤਸਵੀਰ ਨਹੀ ਹੈ --ਕਿਉ ?? ਕਿਉਂਕਿ ਦੇਸ਼ਮੁਖ ਦੀ ਲਿਖਤ, ਆਰ.ਐਸ. ਐਸ. ਕਾਰਕੁੰਨਾ ਵਲੋਂ, ਘਿਰੇ ਹੋੲੈ ਸਿੱਖਾ ਨੂੰ ਬਚਾਵ ਲਈ ਜਾਣ ਦਾ ਕੋਈ ਜਿਕਰ ਨਹੀ ਕਰਦੀ ,ਜੋ ਕਿ ਨਸਲਕੁਸ਼ੀ ਦੌਰਾਨ ਆਰ.ਐਸ.ਐਸ. ਦੀ ਅਸਲ ਇੱਛਾਵਾਂ ਦਰਸਾਉਂਦਾ ਹੈ।

ਪ੍ਰਿਅੰਕਾ ਗਾਂਧੀ ਤੇ ਨਲਿਨੀ ਸ਼ਿਵਰਾਸਨ ਦੀ ਮੁਲਾਕਾਤ

ਸਾਬਕਾ ਪ੍ਰਧਾਨਮੰਤਰੀ ਰਾਜੀਵ ਗਾਂਧੀ ਦੀ ਹਤਿਆ ਦੇ ਜੁਰਮ ’ਚ ਸਜਾ ਭੁਗਤ ਰਹੀ ਨਲਿਨੀ ਸ਼ਿਵਰਾਸਨ ਨਾਲ ਕਰਨਾਟਕ ਦੀ ਵੈਲੂਰ ਜੇਲ’ਚ ਮੁਲਾਕਾਤ ਕਰਕੇ ,ਆਪਣੇ ‘‘ਪਿਤਾ ਦਾ ਕਸੂਰ” ਪੁਛੱਣ ਵਾਲੀ ਪ੍ਰਿਅੰਕਾ ਗਾਂਧੀ ਨੇ,ਪਿਛੋਕੜ ’ਚ ਆਪਣੇ ਪਿਤਾ ਕੋਲੋ ਇਹ ਸਵਾਲ ਕਿਉਂ ਨਹੀ ਪੁਛਿਆ ਕਿ ,‘‘84 ਦੌਰਾਨ ਕਤਲ ਕੀਤੇ ਗਏ ਹਜ਼ਾਰਾ ਬੇਗੁਨਾਹ ਸਿੱਖਾਂ ਦਾ ਕੀ ਕਸੂਰ ਸੀ” ਅਤੇ ‘‘ਜਬ ਕੋਈ ਬੜਾ ਪੇੜ ਗਿਰਤਾ ਹੈ ਤੋਂ ਧਰਤੀ ਹਿਲਤੀ ਹੈ” ਦਾ ਬਿਆਨ ਦਾਗ ਕੇ ,ਉਸਦੇ ਪਿਤਾ (ਰਾਜੀਵ ਗਾਂਧੀ ) ਨੇ ਸਿੱਖ-ਕਤਲੇਆਮ ਨੂੰ ਜਾਇਜ ਕਿਉਂ ਠਹਿਰਾਇਆ